Një tërmet me magnitudë 2.9 sipas shkallës Rihter është ndjerë sonte në Shkup dhe rrethinë.
Sipas faqes së specializuar botërore për monitorimin e tërmeteve në mbarë botën EMSC, tërmeti ka ndodhur në orën 21:47 në një distancë prej 24 kilometrash në lindje të Shkupit, përkatësisht 13 kilometra në verilindje të Ilindenit.
Hipoqendra e tërmetit ka qenë në një thellësi prej 8 kilometrash.
Dje ka pasur dy tërmete në Maqedoni, në afërsi të Shkupit dhe afër Lazaropolit.
Edhe gjatë ditëve të kaluara në Maqedoni ka pasur dridhje toke, gjatë orëve të mbrëmjes dhe mëngjeset e hershme.